Дьаарбайыы иннинэ оҕолору кытары бэсиэдэ ыыттыбыт, уопсайа 23 оҕо сырытта.

Оскуолаҕа биһигини Дуда Надежда Николаевна алын сүһүөх кылаастарын үөрэх чааһын сэбиэдиссэйэ уонна Агеева Мария Александровна логопед-психолог көрүстүлэр, оскуоланы кэриттилэр. Ол курдук, биһиги уруоктарга киирэн олордубут, оҕолор хайдах үөрэнэллэрин көрдүбүт, библиотекаҕа, остолобуойга, физкультура уруогар, эрчиллэр саалга сырыттыбыт.  Учууталлар бары үтүө сыһыаннаахтар, наһаа үчүгэйдик көрсөллөр, оҕолортон боппуруос ыйыттылар. Биһиги оҕолорбут саҥаны көрөн-билэн олус үөрдүлэр, дуоһуйууну ыллылар. Детсадка кэлэн оҕолор тугу саҥаны билбиттэрин кэпсэттибит, уруһуйдаатыбыт, “Оскуолаҕа” оруоллаах оонньууну оонньоотубут.